|
|
Bericht över unse Klassenfohrt na Malente
(Vun de 24. bit to de 28. September 2012)
An´Mondaag Morrn, de 24. September um Veertel na 8 gung dat los:
Wi hem all unse Kuffers in de Bus verstaut und af gung de Fohrt!
De Weg na Malente hett ungefähr dree Stünnen duurt. Dat weer gor nich so licht, still to sitten, bit wi in de „Sport- und Bildungszentrum in Malente“ ankeemen, denn wi sind nich nur en plattdüütsche Klass, sünnern ok en sportliche!
As eerstes hett Fru Gottburgsen unse Stuuven indeelt. Glix dorna hem wi Eeten kreegen: vegetarische Chilli, und dorna gung dat forts in de Swimmhall mit unse Sportlehrer Herrn Baggesen. Later hem wi denn unse Kuffers utpackt, harrn Frietied, kreegen Avenbroot , allens jümmrs mit veel Snacken und Vertellen – an Platt snacken denken- und Spälen…
Um Klock tein weer Bettroh. Knapp eener hett slaapen, so opreegt weern wi vun de Beleevnisse vun de hütige Daag und vun de Vörfreeud op de nächste Daag.
Denn dor sind wi mit de Toch na Lübeck fohrt, wi harrn en Stadtföhrung bucht und kunnen dorna för dree Stünnen in lüttje Gruppen dörch de Stadt loopen. An´n Avend gung dat wedder in de Swimmhall, denn to Bett. Mööd weern wi und hem dröömt vun de scheeve Holstentor, vun Marzipan an noch veelet mehr.. ok vun tohuus.
An de drütte Daag leepen wi tofoot na de Glasblaaseree, wo wi veel Geld loswurrn, wiel dat dor so veel Schönet to koopen geev – allet good inpackt, dormit dat ok heel tohuus ankommt!
Namiddags gung dat mit de Bohn na Eutin – na en wunnerschönet Slott. Bi de Föhrung hem wi veel över de Sleswig-Holsteenische Geschichte lehrt. Besünners interessant weer dat to hörrn, wie de adligen Kinner so leevt hem und dat se op de Gemälde nie lachten, wiel dat to dormolige Tied noch keen Täändokters und keen Täänbörsten geev und se schlechte Tään harrn .Dorbi schulln de Biller doch in anner adlige Hüüs schickt warrn. Denn se werrn maalt wurrn, dormit de Kinner op de „Königs-Kinner- Heiratsmarkt“ jemand affkreegen.
För Besöök geev dat prächtige Gast-Rüüme. In de Eck weer en groote Schapp, avers, dat weer gor keen Schapp: Dat weer en „Tante Meier“ mit Ammer!
In de lüttje Slott-Kapell kann man hüüttodaags sogor heiroten,… weer jo nich slecht, blots- en beeten Tied hem wi jo noch—mol sehn! De Eutiner Kinner warrn in de Kapell ok dööpt, kostet blots en beeten, so as de Kinner-Geburtdaags-Parties—aver gor nich so veel, wenn`t blots nich so wied vun Niebüll wech weer!
An´n Avend stünn wedder Swimmen op dat Programm, so dat wi bannig mööd weern, as wi in de Puch plumpsen dään.
An´n nächsten Daag wannerten wi na de Wild-Deerten-Park. Ünnerwegens harrn wi veel Tied to Snacken. Fru Gottburgsen passte jümmers op, dat wi nich vergeeten, plattdüütsch mitnanner to snacken, ok bi dat Fodern vun de Rentiere, oder heet dat viellicht Ren-Deerten? Dor weern denn noch Kattekers, Hirsche, Rehe und Wildswiens. Ob de uns woll op Platt verstaan hem, jedenfalls weern alle heel tamm! Namiddags hem wi mit en Boot de berühmte „Fiev-Seen-Fohrt“ maakt. Weer heel interessant und de Kaptein hett veel vertellt, wi muchen avers leever sülms snacken! En beeten reegen dä dat ok. We seeten denn twischendörch ünner de Verdeck. As de Regen vörbi weer, keemen unse Lehrer op de Idee, dat wi tofoot torüch loopen kunnen. Dat wulln wi eegentlich gor nich, aver dat geev keen Pardon. Wi sind denn ungefähr twee Stünnen dörch en Wald an en See torüch loopen, weer eegentlich ganz schön, ok de Spälplatz! Schull dat denn nich wedder anfangen to geeten—und wie! Ganz natt keemen wi „tohuus“ an. Mookte nix- dat gung jo glix wedder in de Swimmhall! An´n Avend hem Clara und Svea in seers Stuuv Gitarr spält und wi hem sogor sungen. Gau to Bett und denn weer dat all wedder Morrn. De Kuffers weern all packt.
Nu weern wi heel opreegt, wiel wi bald tohuus weern, avers dat duurte all wedder dree Stünnen!
Unse Öllern freuten sik op uns – wi ok op tohuus!
Avers de Klassenfohrt weer ganz toll und wi harrn veel to vertelln—ok op Plattdüütsch!?
Opschreeven vun: Clara, Nele, Jule, Momme, Lewe, Arvid
|
