Sprachenreise

Nordfriesland
Einen Ausflug nach Hooge unternahm die Sprachenklasse der Niebüller Regionalschule. Dort zeigten sie ein plattdeutsches Theaterstück und besuchten das Info-Zentrum der Schutzstation Wattenmeer.
nf2

Artikel aus dem Nordfriesland Tageblatt vom 19.07.2010

En ganz besünnere Belohnung
Spraakenklass vun de Regionalschool Niebüll mokt Utfloog na Hooge
Niebüll

Wenn Engels reisen, …so seggt man doch, gifft dat goode Wedder. Un de Sünn schiente denn ok, na veele Dage Külle un Regen, as wi unse Utfloog na Hooge mokten. Bloots, Engels sind wi keen, sünnern 27 Schölerinnen un Schölers vun de Regionalschool Niebüll. Wi sind de Spraakenklass, in de jede Week twee Stünnen Plattdüütsch op de Stundenplan steiht.

All lang harrn wi uns op disse Utfohrt na Hooge freut. Dat weer en ganz besünnere Belohnung dorför, dat an unse School so veel op Plattdüütsch mookt warrd. Wi hem nämlich to Wiehnachten en Scheck ut de Stiftung „Mien Moderspraak“ kreegen. Disse Stiftung hett Hans Ahrenstorf för veele Johrn grünnet. He is intwischen 90 Johr old un wi weern ganz stolt dorop, dat he uns de Scheck sülms bi en fierliche Gottsdeenst in de Niebüller Christuskaark överreegt hett un denn ok noch dat Gedicht „Mien Moderspraak“ vördragen hett. Fru Schermuly, de sünst jümmers de plattdüütsche Gottesdeenst mit uns mooken deiht, weer nich door, se vertritt nämlich jüst de Halligpastor op Hooge. So hett se uns denn inladet, mit unse plattdüütsche Theaterstück na Hooge to kamen.

De ganze Winter över ging dat nich wegen Iis un Snee. Nu weer dat endlich so wiet: De MS Seeadler tuckerte mit uns los un wi weern alle vergnöögt un ok en beten opgeregt. So hem wi denn Michel von Lönneberger un all sien Dummtüüch mit na Hooge nahm un door ganz schön Leven in de lüttje smucke Kaark broocht. Jedereen vun uns harr en Rull un en beten to spälen un to seggen. Hanna, Cilly, Felix un Freya en beten mehr, denn se spälten Michel, Ida, Alfred un sien Bruut Lina. Mit unse ganze Klass, de Inwahner vun de Hallig un seers Urlaubsgäste weer de lüttje Kaark vull.

Unse Stück is bi de Lüüd denn ok good röverkamen. Wi wunnerten uns, dat nur vörn bi de Altar en faste Deel weer. Ünner de Bänke weer fiene Sand. Einige vun uns hem sogor heemlich vun de Kaarkendeel Muscheln sammelt. Fru Gottburgsen hett uns vertellt, dat dat Nordseewater manchmol bit rin in de Kaark kümmt un na de Stormfloot denn na ünnen avsickern kann.

Na de Gottesdeenst hem wi uns in de Goorn vun`t Pastorat en fiene Picknick gönnt. Denn gung dat glieks wieder na de Schutzstatschoon Wattenmeer, wo wi en spannende Quiz löst hem. Wi lehrten, wie de Brutvögel up de Hallig heeten, welche wirtschaftliche Bedüüdung de Walfischjagd in’t 18. Jahrhunnert hat hett un worum man hüüt keen Wale mehr fangen dörf. Ut dat Gezeitenbecken schulln wi de Namen vun dree Muschelarten rutfinnen. De Siegerin vun dat tweeuntwindi-Fragen-Quiz kreeg en Hornmuschel as Pries. Nu harrn wi en beten Entspannung verdeent. So sind wi denn över de Hans-Warft loopen, an de Königspesel un de Veehting vörbi bit to en lüttjen Spälplatz. Wiel de Spälgeräte nich vör uns alle langten, sind eenige op de Buuk de Warft dal trümmelt un harrn ok seers Spaß. Binah weern wi to laat na de Schipp kamen. De kunn wi de ganze Tied sehn, aver an de Entfernung harrn wi uns doch verschätzt. De Seeadler hett op de Rüchweg ganz schön schaukelt, weil dat orndi windig woorn weer. Dat kunn uns allerdings nich erschüttern, wi sind noch mol vull opdreiht.

An Abend weern wi ganz schön mööd un sind fröh in`t Bett gahn. Aver an anner Morgen in de School weern wi alle wedder fit un wi weern uns eenig, dat disse Utfloog en groote Erlebnis west is un wi disse Spaaß nich so gau vergeeten warrn.

De Spraakenklass 6c vunde Regionalschool Niebüll un seers Plattdüütsch-Lehrerin Malene Gottburgsen